សេចក្តីប្រកាស Bidding "Cow"

Posted on 10 June 2022

អញ្ជើញចូលរួមដេញថ្លៃផ្គត់ផ្គង់ មេគោពូជ
ផ្តើមចេញពីប្រភពអ្នកធ្វើការងារមួយក្រុមតូចជាមួយនឹងការ​ងារ​អភិរក្ស​សត្វព្រៃ អង្គការ WWF-កម្ពុជា​ បាន​ពង្រីក​វិសាល​ភាព​រហូតក្លាយជាអង្គការអន្តរជាតិធំ​មួយ ដែល​មាន​ភាព​ឯករាជ្យលើការងារអភិរក្ស ហើយ​បាន​ទទួល​ការគាំទ្រ​​ពី​ប្រជាជនប្រមាណ​៥​លាននាក់ទូទាំង​សកល​លោក​ និងកំពុង​ធ្វើ​ការ​ងារ​អភិរក្ស​នៅក្នុងប្រទេស​ជាង ១០០ ក្នុង​ទ្វីប​ចំនួន​ ៥​។​ អង្គ​ការ WWF-កម្ពុជា​ ក្នុង​មហា​តំបន់​ទន្លេ​មេ​គង្គ (WWF Greater Mekong) មានការិយាល័យ​នៅ​ប្រទេសកម្ពុជា ឡាវ ភូមា ថៃ និងវៀតណាម បាននិងកំពុង​ធ្វើការងារអភិរក្សជីវៈ​ចម្រុះ​ក្នុង​តំបន់ ​​និងកសាង អនាគត​មួយ​ប្រកប​ដោយ​សុវត្ថិ​ភាព និង​និរន្តរ​ភាព​​សម្រាប់​​មនុស្ស​​ និង​សត្វ​ព្រៃ​។
 
គម្រោងភាពជាដៃគូលើវិស័យព្រៃឈើ និងជលផលដំណាក់កាលទី៣​ (PaFF3) ក្រោមជំនួយថវិកាពីទី ភ្នាក់ងារអភិវឌ្ឍ និងកិច្ចសហប្រតិបត្តិការ ប្រទេសស្វីស (SDC) និងទីភ្នាក់ងារស៊ុយអែតសម្រាប់កិច្ចសហប្រតិ បត្តិការអភិវឌ្ឍអន្តរជាតិ (Sida) បាននឹងកំពុងអនុវត្តនៅក្នុងសហគមន៍ព្រៃឈើចំនួនប្រាំ លើកិច្ចគាំទ្រការអភិវឌ្ឍន៍ កសិរុក្ខកម្ម រួមមានសហគមន៍ព្រៃឈើវាលកន្សែង​​​(ស្រុកឆ្លូង) សហគមន៍ព្រៃឈើប្រាសាទទឹកខ្មៅ សហគមន៍ ព្រៃឈើ បឹងចារ (អូរក្រសាំង) សហគមន៍ព្រៃឈើអូរកក់ ​និងសហគមន៍ព្រៃឈើប៉ាក្លែ ក្នុងស្រុកសំបូរ​ ខេត្តក្រចេះ។​ ការចិញ្ចឹមគោ គឺជាសកម្មភាពមួយក្នុងចំណោមសកម្មភាពផ្សេងៗ នៅក្នុងការអនុវត្តន៍កសិរុក្ខកម្ម របស់សហគមន៍ ទំាងប្រាំខាងលើ។
 
ដូច្នេះអង្គការ​ WWF-កម្ពុជា​ កំពុងស្វែងរកក្រុមហ៊ុន កសិដ្ឋានឯកជន​ ឬ អ្នកជួញដូរគោដែល​មានក្រោល​ចិញ្ចឹម ដើម្បីផ្គត់ផ្គង់​មេគោពូជចំនួន៥០​ក្បាល សម្រាប់សហគមន៍ព្រៃឈើទាំងប្រាំខាងលើ​ (១០ក្បាលក្នុងមួយ​សហគមន៍)។ លក្ខណៈវិនិច្ឆ័យ និងបច្ចេកទេស សម្រាប់​អ្នក​ផ្គត់ផ្គង់​ក្នុងការដាក់តម្លៃប្រកួត​ប្រជែង​មាន​ផ្តល់​ជូនដូចខាងក្រោម៖​
 
. លក្ខណៈវិនិច្ឆ័យ
  • ជាម្ចាស់គោផ្ទាល់ កសិដ្ឋាន ឬ​ជាអ្នកជួញដូរគោ
  • អ្នកផ្គត់ផ្គង់ សូមធ្វើការស្នើដាក់តម្លៃដែលរួមបញ្ចូលទាំងថ្លៃដឹកជញ្ជូនទៅកាន់ទីតាំងគោលដៅ(ក្រោលគោ​របស់សហគមន៍នីមួយៗ) នៅក្នុងឃុំវាលកន្សែង ស្រុកឆ្លូង និងឃុំអូរគ្រៀង ឃុំរលួសមានជ័យ ឃុំបឹងចារ​(ផ្លូវទឹក) និងឃុំកំពង់ចាម​ ក្នុងស្រុកសំបូរ​  ខេត្តក្រចេះ។
 
. លក្ខណៈបច្ចេកទេស
  • ប្រភេទពូជៈ  ពូជក្នុងស្រុក ជាប្រភេទគោកាត់ពូជ ហារ្យ៉ាណា និងគោក្នុងស្រុក (គោកាត់ចំហៀង ឬ គោកាត់ក្លាយ)។
  • ភេទៈ          គោញី
  • អាយុៈ         ៣-៥ ឆ្នាំ
  • ទម្ងន់ៈ         ២០០-២៥០ គ.ក្រ
  • ផ្សេងៗ:       ជាប្រភេទគោមានធ្មេញ និងស៊ីចំណីបានល្អ; រហ័សរហួន និងមិនស្លន់ស្លោរ; មានសុខភាពល្អ
               និង មានភ្នែកភ្លឺ; ជាប្រភេទគោពេញវ័យដែលមានសក្តានុពលសម្រាប់ការបំប៉ន និងបង្កាត់ពូជ។
 
៣. ឯកសារចូលរួមដេញថ្លៃត្រូវតែភ្ជាប់មកជាមួយនូវៈ
  • ប័ណ្ណប៉ាតង់របស់កសិដ្ឋាន ឬឯកសារចុះបញ្ជីជាមួយក្រសួង ឬស្ថាប័នពាក់ព័ន្ធ ​)ប្រសិនបើមាន(
  • ឯកសារបទ​ពិសោធន៍ផ្គត់ផ្គង់គោមេពូជ
  • ឯកសាររូបភាពក្រោលគោ
  • ឯកសារ​ចុះបញ្ជីពន្ធ​ដែលចេញ​ដោយអគ្គនា​យកដ្ឋានពន្ធ​ដារនៃក្រសួង​សេដ្ឋកិច្ច ​)ប្រសិនបើមាន()
  • ​ឯកសារបទ​ពិសោធន៍​ផ្សេងទៀត​ ​)ប្រសិនបើមាន(
  • ឯកសារដេញ​ថ្លៃ និងតម្លៃ ត្រូវចុះហត្ថលេខា និងបោះត្រា​រួចដាក់ក្នុងស្រោម​សំបុត្របិទជិត ហើយផ្ញើ​ទៅអាសយដ្ឋាន​ដូចបានបញ្ជាក់​ខាងក្រោម។
 ​
របៀប​ដាក់​ពាក្យចូលរួមដេញថ្លៃ
  1. អ្នក​មាន​ចំណាប់​​អារម្មណ៍​ សូមចូលទាញយកឯកសារដេញថ្លៃតាមរយៈតំណភ្ជាប់ខាងក្រោម ឬអញ្ជើញមកទទួលពាក្យស្មើសុំ ហើយផ្ញើ ទៅអាសយ​ដ្ឋានខាងក្រោម៖
-WWF ការិយាល័យខេត្តក្រចេះ ផ្ទះលេខ៤២៨ ផ្លូវព្រះសុរាម្រិត ភូមិវត្ត សង្កាត់ក្រចេះ ក្រុងក្រចេះ
-WWF​ ការិយាល័យភ្នំពេញ ផ្ទះលេខ២១ ផ្លូវលេខ៣២២ សង្កាត់បឹងកេងកង១ ខណ្ឌបឹងកេងកង      
 ភ្នំពេញ
​បញ្ជាក់៖ អង្គការWWF-កមុ្ពជានឹងមិនពិចារណារលើឯកសារដេញថ្លៃណាដែលមិនអនុវត្តបានត្រឹមត្រូវតាមលក្ខ​ខណ្ឌដូចមានរៀបរាប់ខាងលើឡើយ។
ការបើកការដាក់ពាក្យដេញថ្លៃ នឹងធ្វើឡើងដោយគណៈកម្មការនៅការិយាល័យ ហើយអ្នកផ្គត់ផ្គង់អាចចូលរួមបាន ដោយជំរាបជូនពត៍មានពេលក្រោយ។
ការដាក់ពាក្យស្នើសុំដេញថ្លៃនឹងផុតកំណត់នៅថ្ងៃទី ២៧ ខែមិថុនា ឆ្នាំ​២០២២​ វេលាម៉ោង០៥ ល្ងាច។
សម្រាប់ពត៌មានបន្ថែមសូមធ្វើការទំនាក់ទំនងទៅ៖ ​ លោកស្រី អ៊ុំ សំណាង ឬលោកប៊ិន​ឌីម  តាមរយៈទូរស័ព្ទលេខ 012 962 485/ 092 873 791 ឬតាមសារអេឡិចត្រូនិច ​samnang.um@wwf.org.kh​ និង procurement@wwf.org.kh